Barbie və Bacıları: Poni Nağılında

Bacılar yay tətilini keçirmək üçün Alp dağlarında yerləşən İsveçrə atçılıq məktəbinə yollanırlar. Qızların hər birinin bu səfərlə bağlı fərqli planları var. Barbie Malibudakı evinə aparmaq üçün yeni bir at tapmaq istəyir, Steysi hamıya yaxşı çapmağı bacardığını sübut etməyə çalışır, balaca Çelsi böyük atlara minmək arzusundadır, Skiper isə baş verənlərə qoşulmaqdansa onları qeyd etməyə üstünlük verir.

Qızların adi tətili Barbienin meşədə qeyri-adi vəhşi atla qarşılaşmasından sonra tamamilə dəyişir. Bu gözlənilməz tanışlıq bacıların istirahətini sehrli bir macəraya çevirir.

«Barbie & Her Sisters in A Pony Tale» cizgi filmi 2013-cü ildə ABŞ-da istehsal olunub. Ekran əsərinin rejissoru Kiran Kellidir, personajları isə Tabita Sen-Jermen, Qeyb Xaut, Maksin Miller və Koul Hovard səsləndiriblər.