Suyun formulu

Yeniyetmə Dana sonsuz okeanla əhatə olunmuş adalardan birində, mutantlar arasında böyüyür. Qəddar quldurlar qızın izinə düşdükdə onun sakit günləri arxada qalır. Dəniz quldurları inanırlar ki, bu qız planetin ən böyük xəzinəsinə — təmiz içməli su mənbəyinə aparan yeganə açardır.

Təqibdən qaçan Dana yolda gəzərgi artistlər truppası ilə qarşılaşır. Təsadüfi yol yoldaşları təhlükələrlə dolu sınaqlardan keçərək əsl dosta çevrilirlər. Yeni komanda sirli xəzinənin tapmacasını açmaq üçün birlikdə hərəkət etməlidir.

«Suyun formulu» adlı animasiya filmi 2024-cü ildə Rusiyada istehsal olunub. Rejissor Artyom Minakovun lentə aldığı cizgi filmində personajları Aleksey Kolqan, Boris Repetur, Miqel və Vladislav Kopp səsləndiriblər.