Möcüzə yaradan

«The Miracle Maker» cizgi filmi İsa Məsihin həyat yolundan və onun insanlar arasında göstərdiyi xeyirxah əməllərdən bəhs edir. O, möcüzələr yaradır, kədər içində olanlara ümid bəxş edir və ətrafındakılara hikmətli öyüdlər verir.

Lakin onun artan nüfuzu və təlimləri hər kəsin xoşuna gəlmir. Düşmənləri toplaşaraq onu aradan qaldırmaq və fəaliyyətinə birdəfəlik son qoymaq üçün planlar qurmağa başlayırlar.

Bioqrafik dram janrında çəkilmiş bu animasiya ekran işi 2000-ci ildə Böyük Britaniya və Rusiya kinematoqrafçılarının birgə əməyi ilə ərsəyə gəlib. Layihənin rejissor kürsüsünü Derek V. Hayes və Stanislav Sokolov bölüşüb, personajları isə Reyf Fayns, Maykl Brayant və Culi Kristi səsləndirib.