Həyatın daha bir günü

Polşalı hərbi jurnalist Rışard Kapuşinski silahlı toqquşmaların və xaosun bürüdüyü Anqolaya üç aylıq ezamiyyətə yollanır. Portuqaliyadakı «Qərənfil inqilabı»ndan sonra müstəmləkəsizləşdirmə prosesi başlayır və paytaxta hücumdan qorxan portuqallar şəhərin elit məhəllələrini tələsik tərk edirlər. Luandada mağazalar bağlanır, kommunal xidmətlər fəaliyyətini dayandırır və küçələrdə zibil qalaqları yaranır.

Müxbir hər gün tərk edilmiş şəhərdən Polşa İnformasiya Agentliyinə xəbərlər göndərməyə davam edir. Çox keçmədən cəbhə xəttinin durmadan dəyişdiyi ölkənin daxili bölgələrinə doğru təhlükəli bir səfərə çıxır. Təsadüfən ölümdən qurtulan jurnalist, baş verən hadisələrin ondan sadə bir müşahidəçi olmaqdan kənara çıxmağı tələb etdiyini anlamağa başlayır.

«Həyatın daha bir günü» adlı bioqrafik animasiya filmi 2018-ci ildə İspaniya, Polşa, Almaniya, Fransa, Macarıstan və Belçika tərəfindən birgə istehsal olunub. Ekran əsərinin rejissorları Raul De La Fuente və Damian Nenodur, əsas personajları isə Miroslav Xanişevski, Vircil C. Smit, Tomaş Zəntek və Olqa Bolondz səsləndiriblər.