9

Dəhşətli müharibə nəticəsində mexaniki canavarlar bəşəriyyəti tamamilə məhv edib. Həmin şüurlu maşınları ixtira edən professor həyatını itirməzdən əvvəl insan ruhlarını köçürdüyü doqquz parça kukla hazırlayıb.

Fərqli xarakterlərə malik olan bu kiçik qəhrəmanlar tərk edilmiş dünyada bir araya gəlirlər. Onlar qarşılaşdıqları çətinliklərdən keçərək dağılmış planetin taleyini büsbütün dəyişdirməlidirlər.

«9» cizgi filmi 2009-cu ildə ABŞ və Almaniya kinematoqrafçılarının birgə istehsalı kimi təqdim olunub. Fantastik layihənin rejissoru Şeyn Ekerdir, əsas obrazları isə Elayca Vud, Kristofer Plammer, Martin Landau və Con Si Rayli səsləndirib.