Eqipsus

Leo valideynləri, bacısı və qardaşı ilə birlikdə böyüyən adi bir məktəblidir. Dünyasını dəyişən babasından ona qalan yeganə xatirə xüsusi sandıqda saxladığı qədim firon qolbağıdır. Günlərin bir günü muzeyə yollanan Leo bu qədim mirası özü ilə götürməyə qərar verir.

Şagirdin diqqətini muzeyin bu yaxınlarda qarətə məruz qalmış Misir bölməsi cəlb edir. Cinayətkarların dağıtdığı eksponatların qalıqlarına baxmaq istəyən gənc zala daxil olur və orada özünü alim kimi təqdim edən qəribə bir kişi ilə rastlaşır. Çox keçmir ki, Leo bu adamın əslində heç bir elmlə əlaqəsi olmadığını anlayır.

İtaliya istehsalı olan macəra dolu «Egyxos» cizgi filmi 2014-cü ildə nümayiş olunub. Ekran əsərinin rejissoru Enriko Paolantoniodur, əsas personajları isə Şon Plattsker, Kolin Rayan, Devid Brimmer və Yakob Pak səsləndiriblər.