Yeni Qisasçılar

İkinci Dünya müharibəsi zamanı xüsusi sınaqdan keçən Stiv Rocers inanılmaz güc əldə edərək Kapitan Amerika kimi tanınır. Gizli bazaya basqın vaxtı mutant general Klyayzer və onun canavarları ilə qarşılaşan əsgər düşməni zərərsizləşdirməyi bacarır. Lakin Rocers buzlu sularda itkin düşür və hər kəs onun həlak olduğunu düşünür.

Altmış il sonra Pentaqon alimləri Arktika buzlaqlarında donmuş insan aşkar edirlər. Qeyri-adi qabiliyyətləri sayəsində sağ qalan Stiv müasir dövrdə gözlərini açır. Yenidən qüvvə toplayan Klyayzer hərbi mərkəzə hücum etməyi planlaşdırdığı üçün qəhrəman fövqəltəbii komandaya rəhbərlik etməlidir.

«Yeni Qisasçılar» cizgi filmi 2006-cı ildə ABŞ-da rejissorlar Stiven E. Qordon və Kurt Qeda tərəfindən çəkilib. Marvel Animated Features seriyasına aid layihədə Devid Bout, Eylin Sender, Kerriqan Maxan və Ceyms Arnold Teylor səsləndirmədə iştirak ediblər.