Peyğəmbər

Tənha ana Kamila ev dustaqlığında saxlanılan əcnəbi şair, rəssam və ictimai xadim Mustafanın evində xadimə kimi işləyir. Məhbusa nəzarət edən keşikçi Həlim isə gizlicə Kamilaya qarşı xoş hisslər bəsləyir. Kamilanın qızı Almitra atasının vəfatından sonra danışmaq qabiliyyətini itirib, daim bazardan nələrsə oğurlayır və yalnız qağayılarla quş səsləri çıxararaq ünsiyyət qurur.

Qürurlu bir çavuş Mustafanın azad edildiyini və günün sonunadək vətəninə qayıtmalı olduğunu bildirəndə şəhər sakinləri sevinclə küçələrə axışır. Şairi özlərinə mənəvi ustad bilən yerli camaat onu təbrik edir və yola salmağa hazırlaşır. Lakin rəsmi şəxslərin təqdim etdiyi bu qəfil azadlığın arxasında tamam başqa niyyətlər dayanır.

«The Prophet» cizgi filmi 2014-cü ildə Rocer Allers və Qaetan Brizzi tərəfindən ekranlaşdırılıb. ABŞ, Kanada, Fransa, Livan və Qətər istehsalı olan dram janrlı layihədə Liam Nison, Salma Hayek, Con Krasinski və Frenk Lancella əsas rolları səsləndiriblər.