Xəyanət

Avtodromda baş verən qəza Ellanı onu xilas edən əzələli Ceyk ilə qarşılaşdırır. Tezliklə bir-birinə aşiq olan cütlük evlənməyə qərar verir. Çoxlu qadının diqqətinə baxmayaraq, Ceyk xanımına sadiq qalır. Lakin rədd cavabı alan qadınlardan biri intiqam məqsədilə ona saxta foto göndərir; şəkildə Ella başqa kişilərin əhatəsində paltarını dəyişərkən görünür.

Yoldaşının xəyanət etdiyini düşünən Ceyk kədərini başqa qadınlarla unudur. Ərinin xəyanətini öyrənən Ella isə onu öldürmək üçün bir qatil axtarışına çıxır. Bu zaman o, qadağan olunmuş «tale maşınına» sahib bir sehrbazla tanış olur və həmin cihaz sayəsində Ceykin görüşdüyü qadınların bədəninə keçməyə başlayır.

ABŞ istehsalı olan «Cheatin'» cizgi filmi 2013-cü ildə rejissor Bill Plimpton tərəfindən çəkilib. Komediya, dram və melodram janrlarını birləşdirən cizgi filminin əsas rollarını Sofiya Takal, Jeremy Baumann, Alex Markowitz və Sita Steele səsləndirib.