Zabij to i wyjedź z tego miasta

Ən yaxın insanlarını itirən bir kişi kədərdən xilas olmaq üçün keçmişin sakit guşəsinə sığınır. O, reallıqdan uzaqlaşaraq xatirələrin qoynunda özü üçün etibarlı bir sığınacaq yaradır. İllər keçdikcə onun təxəyyülündə bu sığınacaq böyüyərək bütöv bir şəhərə çevrilir.

Zamanla bu xəyali şəhərə uşaqlıq illərinin cizgi filmi qəhrəmanları və kitab personajları dəvətsiz şəkildə daxil olur. Lakin qəhrəman tezliklə anlayır ki, onun yaratdığı dünyada belə əbədi gənclik yoxdur və uşaqlıq bütləri də qocalır. İllüziyaların sonsuz olmadığını dərk edən kişi yenidən gerçək həyata dönmək qərarı verir.

«Zabij to i wyjedź z tego miasta» cizgi filmi 2020-ci ildə Polşada rejissor Mariuş Vilçinski tərəfindən çəkilib. Dram və qorxu elementlərini birləşdirən ekran əsərinin personajlarını Kristina Yanda, Andjey Xıra, Mayya Ostaşevska və Malqojata Kojuхovska səsləndirib.