Ən dəyərli yük

Qış aylarında qarlı meşədə odun toplayan odunçunun həyat yoldaşı gözlənilmədən bir körpə qız tapır. Bu uşaq Auşvitsə doğru hərəkət edən qatardan qarla örtülü meşəyə atılıb. Qadın balacanı ölümdən xilas etmək qərarına gəlsə də, onun sərt təbiətli əri əvvəlcə bu addıma kəskin şəkildə qarşı çıxır.

Kişi uşağın bir müddət qalmasına icazə verir və zaman keçdikcə qıza dərindən bağlanır. Lakin ailədə gözlənilmədən qız uşağının peyda olduğunu kənd sakinləri öyrənirlər. Körpənin onların başına bəla gətirəcəyindən ehtiyat edən kəndlilər odunçudan bu uşaqdan dərhal qurtulmağı tələb etməyə başlayırlar.

«Ən dəyərli yük» (La plus précieuse des marchandises) dramatik animasiya filmini fransız rejissoru Mişel Xazanaviçus ərsəyə gətirib. 2024-cü ildə Fransa və Belçikanın birgə istehsalı ilə çıxan cizgi filmində rolları Dominik Blan, Qreqori Qadebua, Deni Podalides və Serj Xazanaviçus səsləndirib.