Sıfır

Rəqəmlərdən ibarət bir cəmiyyətdə doğulan sıfır, digərləri tərəfindən tamamilə dəyərsiz və əhəmiyyətsiz biri kimi qəbul edilir. Ətrafındakılar onun heç bir məna kəsb etmədiyini düşünür.

Öz yerini tapmaq istəyən qəhrəman yalnız cəsarət, qətiyyət və sevgi vasitəsilə həqiqi məna qazanmağın mümkün olduğunu dərk edir. O, başqalarının fikirlərinə baxmayaraq öz daxili dəyərini sübut etməyə çalışır.

Avstraliya istehsalı olan «Zero» qısametrajlı animasiya filmi 2010-cu ildə rejissor Kristofer Kezelos tərəfindən lentə alınıb. Personajları Nik MakKey, Reina MakEndryu, Şelli Hepvorf və Entoni Klark səsləndirib.