Adadakı bədheybətlər 3D

Okeanın uzaq bir küncündə, qatı duman altında gizlənmiş sirli ada yerləşir. Əfsanəyə görə, burada xüsusi giləmeyvə və göbələkləri qoruyan nəhəng bədheybətlər yaşayır və insanların ora yaxınlaşması qəti qadağandır. Qonşu qəbilədən olan balaca oğlan təsadüfən sahilə çıxanda bu qayda pozulur.

Adanın qeyri-adi sakinləri ilk vaxtlar balacanı mehribanlıqla qarşılasalar da, uşaq çox nadinc və dəcəl çıxır. Onun saysız-hesabsız şıltaqlıqlarından yorulan varlıqlar qonağı evinə yola salmaq qərarına gəlirlər. Qəhrəmanların qarşısında uşağı ailəsinə sağ-salamat çatdırmaq və adanın sirrini qoruyub saxlamaq məsələsi durur.

«Friends: Mononokeshima no Naki» animasiya filmi 2011-ci ildə Yaponiya və Kanadanın birgə istehsalı kimi təqdim edilib. Fantaziya və macəra janrında olan layihəyə Ryuichi Yagi ilə Takashi Yamazaki rejissorluq edib, əsas obrazları isə Shingo Katori, Sadao Abe, Seishiro Kato və Koichi Yamadera səsləndirib.