Barbie: Sehrli delfinlər

«Barbie: Dolphin Magic» cizgi filmində Barbi, bacıları və sevimli ev heyvanları Mərcan rifinə yola düşürlər. Qızlar okean sahilində dincəlmək və günəşlənmək arzusundadırlar. Həmin vaxt Ken də yay təcrübəsini məhz burada keçir və dəniz canlılarını araşdırır.

Kenin elmi fəaliyyəti qızların da diqqətini çəkir və onlar yerli sakinləri yaxından görməyə çalışırlar. Şansları gətirir, çünki ildə cəmi bircə dəfə sahilə yaxınlaşan göyqurşağı delfinləri məhz bu vaxt üzüb gəlirlər. Su altına enən Barbi parlaq zümrüd rəngli xüsusi bir delfinlə rastlaşır.

2017-ci il istehsalı olan bu animasiya filmi ABŞ və Kanadada rejissor Konrad Helten tərəfindən çəkilib. Baş qəhrəmanları Erika Lindbek, Şennon Çan-Kent, Kadzumi Evans və Kler Marqaret Korlett səsləndiriblər.