Dante cəhənnəmi: Animasiyalı epos

Səlib yürüşündən qayıdan Dante ailəsini qətlə yetirilmiş, sevgilisi Beatriçeni isə can verən vəziyyətdə tapır. Ölüm ayağında olan qız nişanlısının sədaqətinə görə Lütsiferlə mərcə girdiyini, lakin uduzduğunu və ruhunun cəhənnəmə aparılacağını söyləyir. Dante sevgilisini xilas etmək qərarına gəlir və axirət dünyasına doğru yola çıxır.

Qəhrəman Limbdə qədim şair Vergiliyin ruhu ilə qarşılaşır və o, Danteyə bələdçilik etməyə razılaşır. Onlar Beatriçenin ruhunu saxlayan Lütsiferin olduğu doqquzuncu dairəyə — donmuş Kositos gölünə çatmaq üçün cəhənnəmin bütün qatlarını keçməlidirlər.

«Dante's Inferno: An Animated Epic» cizgi filmi 2010-cu ildə ABŞ, Yaponiya, Cənubi Koreya və Sinqapurun birgə istehsalı ilə ərsəyə gəlib. Ekran əsərinin rejissorları Viktor Kuk və Maykl D’İsa-Hoqandır, əsas obrazları isə Qrem Maktaviş, Vanessa Brenç, Stiven Blum və Piter Cessop səsləndiriblər.