Ağır Metal 2000

Keçmişdə qalaktikaya hökmranlıq edən arakianlar öz güclərini ölümsüzlük mənbəyindən alırdılar. Onların məhvindən əsrlər sonra hər şeyi idarə etmək istəyən Tayler adlı qəddar qaniçən bu gücün açarını ələ keçirir. O, Uroboris adlı uzaq planetdə, daş otaqlarda gizlədilən sehrli mənbəyə doğru yola düşür.

Doğma planeti məhv edilən cəsur döyüşçü FAKK-2 qisas almaq üçün Taylerin izinə düşür. Qəhrəman quldurların, sehirbazların və qəribə canlıların məskunlaşdığı naməlum aləmlərdən keçərək amansız tiranı ucsuz-bucaqsız kosmosun dərinliklərində təqib edir.

«Heavy Metal 2000» adlı elmi-fantastik animasiya filmini rejissorlar Mişel Lemir və Maykl Koldvey ərsəyə gətiriblər. 1999-cu il istehsalı olan bu layihə ABŞ, Kanada, Almaniya, Çin, Cənubi Koreya, Tailand və Filippin kinematoqrafçılarının birgə əməyidir, obrazları isə Culi Streyn, Alan Fouset, Artur Holden və Vlasta Vrana səsləndiriblər.