Monster High: Monster High-a xoş gəlmisiniz

Uzun müddət bəşəriyyətdən qorxan müxtəlif bədheybətlər bir-birindən belə gizlənərək tənha yaşayırdılar. Qraf Drakulanın qızı Drakulaura və onun rəfiqələri bu vəziyyətə son qoymaq qərarına gəlirlər. Qızlar bütün qeyri-adi varlıqların sərbəst toplaşa və dostluq edə biləcəyi xüsusi bir məktəb açmağı planlaşdırırlar.

Lakin yeni yaradılmış bu güşə gözlənilməz təhlükə ilə üzləşir. Qəddar zombilər onların sirrini insanlara açıb məkanı dağıtmaq istəyirlər. Şagirdlər öz məktəblərini müdafiə etməli və onun bütün bədheybətlər üçün təhlükəsiz ev olaraq qalmasını təmin etməlidirlər.

ABŞ istehsalı olan «Monster High: Welcome to Monster High» animasiya filmi 2016-cı ildə təqdim edilib. Fentezi janrındakı layihənin rejissor kürsüsündə Can Falkenşteyn və Stiven Donnelli əyləşiblər.