Vixen

Superqəhrəmanlar arasında qadınlara çox az rast gəlinir, çünki bu çətin missiya adətən kişilərin payına düşürdü. Lakin Afrika kəndlərinin birində böyük yoxsulluq içində böyüyən Mari Cui Mak-Keyb bu vəziyyəti dəyişir. O, cəsarəti və çevikliyi ilə seçilən Vixen adlı qəhrəmana çevrilir.

Mari heyrətamiz sürətə və vəhşi təbiətlə bağlı xüsusi bacarığa malikdir. Əlini sadəcə bir dəfə qaldırmaqla o, pantera, fil və ya şir kimi heyvanların gücünü köməyə çağıra bilir. Bu qabiliyyətlər gənc qadına ən təhlükəli vəziyyətlərdə belə mübarizə aparmaq imkanı verir.

ABŞ istehsalı olan qısametrajlı «Vixen» cizgi serialı 2015-ci ildə işıq üzü görüb və ümumilikdə 2 mövsümdən ibarətdir. Ekran işinin rejissorları Kurt Geda və Ceyms Takerdir, əsas obrazları isə Stiven Amell, Qrant Qastin, Şon Patrik Tomas və Emili Bett Rikards səsləndirib.