Grimsburq

İstintaq işlərində bənzərsiz istedada malik Marvin Fleyt şəxsi həyatında eyni uğuru qazana bilmir. Sakinlərinin hər birinin gizli sirləri olan Qrimsburq şəhərciyinə qayıdan təcrübəli xəfiyyə ən mürəkkəb cinayətləri belə asanlıqla açır. İnsan əti yeyən təlxəyi tutmaq onun üçün çətin olmasa da, öz ailəsindəki problemləri çözmək qat-qat müşkül məsələyə çevrilir.

Marvin hələ də sevdiyi keçmiş həyat yoldaşının gözündə özünə bəraət qazandırmağı qarşısına məqsəd qoyur. Bu yolda o, demək olar ki, heç tanımadığı oğlu ilə vaxt keçirməli və ümumi dil tapmağa çalışmalıdır. Doğmalarının etimadını qaytarmaq cəhdləri isə şəhərin qəribə hadisələri ilə kəsişir.

ABŞ istehsalı olan «Grimsburg» cizgi serialı 2024-cü ildə işıq üzü görüb. Ekran işinin rejissorluğunu Cek Perkins və Roy Burdin həyata keçiriblər. Baş qəhrəmanları Reyçel Dreç, Qreq Çun, Erinn Heys və Kevin Maykl Riçardson səsləndirib, layihə isə ümumilikdə üç mövsümdən ibarətdir.