Tom və Cerri: İtmiş əjdaha

Məşhur pişik və siçan yenidən qeyri-adi hadisələrin mərkəzində birləşir. «Tom & Jerry: The Lost Dragon» cizgi filmi qəhrəmanların tapdığı qəribə bir yumurta ilə başlayır. Məlum olur ki, bu yumurta nəhəng və alov püskürən ana əjdahadan oğurlanıb. Çox keçmədən yumurtadan balaca Paffi çıxır və Tomu öz anası hesab edir.

Körpəyə qulluq etmək heç də asan olmur. Əsl ana əjdaha itmiş balasını axtarır, cadugər Drizelda isə onun izinə düşür. Tom və Cerri sehirli müttəfiqlərin və heyvanların köməyi ilə cadugərin planlarını pozmalı, balaca əjdahanı anasına çatdırmalıdırlar.

2014-cü ildə ABŞ-da istehsal olunmuş bu animasiya komediyasının rejissorları Spayk Brandt və Toni Çervonedir. Əsas personajları Cim Kamminqs, Vikki Lyuis, Ueyn Nayt və Di Bredli Beyker səsləndiriblər.