Zamanın sahibləri

Nəhəng arıların hücumundan sağ çıxan yeddiyaşlı Piel adlı uşaq Perdide planetinin səhrasında tək qalır. Atasının dostu Ceffar kömək çağırışına cavab verir. O, uşaqla daimi əlaqə saxlayaraq onu xilas etmək məqsədilə kosmosun dərinliklərindən bu təhlükəli planetə doğru tələsir.

Yolda Ceffar hələ bilmir ki, o, sirli Zaman Sahibləri ilə üz-üzə gələcək. Hadisələrin gedişatı xilasedicinin qarşısında daha böyük vəzifə qoyur. Nəticədə Ceffar təkcə azyaşlı uşağı deyil, həm də onun doğma planetini xilas etmək məcburiyyətində qalır.

«Zamanın sahibləri» adlı macəra və fantastika cizgi filmi 1982-ci ildə rejissor Rene Lalu tərəfindən çəkilib. Ekran əsəri Fransa, Böyük Britaniya, Macarıstan, İsveçrə və AFR-in birgə istehsalıdır. Əsas rolları Jan Valmon, Mişel Elias, Frederik LeQros və İv-Mari Moren səsləndiriblər.