Tarbozavr 3D

Xallı ləqəbli balaca tarbozavr milyon illər əvvəl böyük sürünün içində böyüyür. Hər şeylə maraqlanan bu körpə böyüklərlə birlikdə ilk ovuna çıxacağı günü səbirsizliklə gözləyir. Lakin çoxdan gözlənilən həmin gün sürüyə Birtərəfli adlı qorxunc tirannozavrın hücumu ilə faciəyə çevrilir.

Hücumdan sonra ailəsindən ayrı düşən Xallı təbiətdə təkbaşına qalır və onun kimi kimsəsiz qalan Göygöz adlı başqa bir bala ilə qarşılaşır. İki balaca yırtıcı vəhşi meşələrdə həyatda qalmaq üçün birləşir. Qarşıda onları böyümə illəri, təhlükələr, kədər və birgə mübarizə gözləyir.

Cənubi Koreya istehsalı olan macəra cizgi filmi «Tarbozavr 3D» 2011-ci ildə rejissor Han San-ho tərəfindən çəkilib. Əsas qəhrəmanları Li Hyon-sok, Qu Ca-hyon və Şin Yon-u səsləndirib.