Ulduz patrulu: Orin əfsanəsi

Yeraltı Mədən Dünyasının sakinləri ömürlərini qaranlıqda keçirir və günəş işığının mövcudluğuna belə inanmırlar. Qəddar hökmdar Zayqonun robot nəzarətçiləri insanları daimi qorxu içində saxlayır: fəhlələr hər gün həyatlarını təhlükəyə ataraq rubidimit kristalları çıxarır və bunun qarşılığında cüzi qida payı alırlar. Təsadüfən sehrli bir qılınc dəstəyi tapan gənc Orin bu zülmə dözməmək qərarına gəlir.

Tapıntı gənci amansız idarəçiyə qarşı çıxmağa cəsarətləndirir. Orin xarici aləmə gedən yolu üzə çıxarmaq, səthə çatmaq və əsarətdə qalan soydaşlarını azadlığa qovuşdurmaq üçün çətin bir səfərə başlayır.

«Starchaser: The Legend of Orin» macəra və elmi-fantastika cizgi filmi 1985-ci ildə ABŞ və Cənubi Koreya istehsalı kimi ekranlara çıxıb. Animasiya filminin rejissoru Stiven Handır, əsas rolları isə Con Moşitta kiçik, Rayan Makdonald, Doris Hess və Tomas H. Uotkins səsləndirib.