Finnik

İnsanlar evlərini qoruyan görünməz varlıqların fərqinə nadir hallarda varırlar. Finnik xeyirxah xasiyyətə malik olsa da, dinc dayanmır və sakinlərə zarafatlar edərək onları qaçırmağı sevir. Lakin onun mülkünə fərasətli qız Kristina və valideynləri köçəndə adi hiylələr fayda vermir.

Ev sahibinin zarafatları yeni qonaqları qorxutmur, Kristina isə Finniklə tanış olaraq ev cinlərinin sirli həyatını öyrənir. Bu ərəfədə şəhərdə qəribə və təşviş doğuran hadisələr baş qaldırır. İki fərqli qəhrəman şəhəri təhlükədən qurtarmaq üçün birləşmək məcburiyyətində qalır.

Rusiyanın 2022-ci il istehsalı olan macəra janrlı «Finnik» cizgi filminin rejissoru Denis Çernovdur. Baş personajları Mixail Xrustalyov, Veronika Makeyeva, İda Qaliç və Boris Derqaçyov səsləndiriblər.