Parlaq ulduz

«Parlaq ulduz» musiqili cizgi filmi ən bacarıqlı qızları üzə çıxarmaq üçün təşkil olunan «Ay kraliçası» adlı istedad şousundan bəhs edir. İştirakçılar müxtəlif səhnələrdə komanda şəklində çıxış edərək bir milyon bəyənmə toplamalıdırlar. Qalibiyyət məhz bu bəyənmələrin sayından asılıdır.

İddialı Hera digər iştirakçılar arasında dərhal diqqət çəkir, çünki onun anası vaxtilə bu yarışmada qalib gələrək tac qazanıb. Qız çox gözəl oxuyur və rəqs edir, lakin qrupdakı yoldaşları ilə dil tapmaqda ciddi çətinlik çəkir. Belə vəziyyətdə baş mükafatın Heraya və ya başqa bir iştirakçıya qismət olacağı sual altındadır.

Cənubi Koreya istehsalı olan bu tammetrajlı animasiya filmi 2019-cu ildə rejissor Pak İl-ho tərəfindən ekranlaşdırılıb. Əsas personajları Li Myon-ho, Li Ci-hyon və digər aktyorlar səsləndiriblər.