Nənə

Balaca oğlan valideynlərinin bitmək bilməyən amansız rəftarından və zorakılığından əziyyət çəkir. Ailəsində şəfqət görməyən uşaq bu dözülməz vəziyyətdən qeyri-adi bir çıxış yolu tapır. O, özünə xeyirxah bir nənə yetişdirmək qərarına gəlir.

Qayğı və sevgi arzulayan qəhrəman xüsusi bir toxum əkərək onu böyütməyə başlayır. «The Grandmother» qısametrajlı cizgi filmi canlı çəkilişlərlə animasiyanı birləşdirərək uşağın qorxularını və ümidlərini vizual obrazlarla əks etdirir.

Ekran əsəri 1970-ci ildə ABŞ-da rejissor Devid Linç tərəfindən çəkilib. Rollarda Riçard Uayt, Doroti Makginnis, Virciniya Meytlend və Robert Çadvik çıxış ediblər.