Robocar Poli: Ember ilə gündəlik təhlükəsizlik dərsləri

Balaca Piter heç vaxt sakit dayana bilmir və oyunlardan tez yorulur. O, dostları Conni və Çarlz ilə birlikdə şəhərin küçələrini gəzərək maraqlı məşğuliyyətlər axtarmağa çalışır.

Lakin balacaların bu marağı çox vaxt təhlükə ilə nəticələnir. Onlar meşədə aza, oyun meydançasında və ya evdə zədələnə, hətta küçədə xəstələnə bilərlər. Güclü qar və ya qasırğa zamanı necə davranacaqlarını bilmədikləri üçün vəziyyət daha da qəlizləşir. Belə anlarda isə köməyə hər zaman cəsur təcili yardım maşını Ember gəlir və uşaqlara təhlükəsizlik qaydalarını izah edir.

Cənubi Koreya istehsalı olan bu uşaq cizgi filmi 2018-ci ildə işıq üzü görüb. Ekran əsəri məşhur xilasedicilər silsiləsinin bir hissəsidir və rejissor Li Don-u tərəfindən ərsəyə gətirilib.