Timsah Qena

Zooparkda tənha yaşayan timsah Qena həyatını dəyişmək və yeni yoldaşlar tapmaq qərarına gəlir. O, şəhərin müxtəlif yerlərinə elanlar yapışdıraraq özünə həmsöhbət axtarır. Çox keçmədən onun qapısında portağal qutusunda tapılmış qeyri-adi və iri qulaqlı balaca Çeburaşka peyda olur.

«Timsah Qena» cizgi filmi bir-birinə bənzəməyən bu iki qəhrəmanın necə tez ümumi dil tapdığını göstərir. Onlar digər şəhər sakinləri ilə də tanış olur və dostluğa ehtiyacı olanları bir araya gətirmək üçün birlikdə fəaliyyətə başlayırlar.

Kukla animasiyası janrında olan bu ekran əsəri 1969-cu ildə SSRİ-də rejissor Roman Kaçanov tərəfindən lentə alınıb. Baş qəhrəmanları Vasili Livanov, Klara Rumyanova, Tamara Dmitriyeva və Vladimir Keniqson səsləndiriblər.