Uşu

Şandun əyalətində minlərlə tələbənin təhsil aldığı böyük döyüş sənəti məktəbi fəaliyyət göstərir. Burada sanda növü üzrə fitri istedada malik Li adlı gənc məşq edir. Müəllimi onun vilayət çempionu olacağını gözləsə də, gəncin planları gözlənilmədən dəyişir.

Li uşu ilə məşğul olan bir qıza vurulur və onun diqqətini çəkməyə çalışır. Məşqçisinin təkidinə qarşı çıxaraq sevdiyi qızın məşğul olduğu sahəyə keçir. Həmin idman növündə hələ heç bir uğuru olmayan Li həm dərslərini çatdırmaq, həm də hisslərini qorumaq üçün böyük zəhmət çəkir.

2008-ci il istehsalı olan «Uşu» filmi Honq-Konqda Antoni Sito tərəfindən çəkilib. Bu ailəvi dram və döyüş filmində əsas rolları Sammo Hun, Lyu Fençao, Van Ventze və Fibi Van canlandırıb.