Bob adlı küçə pişiyi

Küçə musiqiçisi Ceyms Bouen həyatının ağır mərhələsindən keçir və narkotik asılılığından qurtulmağa çalışır. Maddi və mənəvi çətinliklərlə mübarizə apardığı bir dövrdə qarşısına kimsəsiz, narıncı rəngli bir pişik çıxır.

Ceyms bu pişiyi sahiblənərək ona Bob adını verir və heyvan tezliklə onun daimi yol yoldaşına çevrilir. Bobun varlığı küçədəki insanların musiqiçiyə marağını artırır, bu dostluq isə Ceymsin həyatını tədricən yaxşı tərəfə dəyişməyə başlayır.

Böyük Britaniya və Çin birgə istehsalı olan «A Street Cat Named Bob» filmi 2016-cı ildə ekranlara çıxıb. Bioqrafik dramın rejissoru Rocer Spottisvuddur, baş rolları isə Lyuk Tredvey, Ruta Qedmintas, Coann Froqqatt və pişik Bob canlandırıb.