Bidaai

Ərinin vəfatı və ailənin müflisləşməsi Parvatini üç övladı ilə birlikdə ağır yoxsulluq içində qoyur. İki oğlan və danışa bilməyən qızı Qaurini böyütmək onun öhdəsinə düşür. Böyük oğul Prabakar iş tapıb evləndikdən sonra doğmalarından uzaqlaşır, bu səbəbdən ana bütün gücünü kiçik oğlu Sudhakarın təhsilinə yönəldir.

İllər keçir, böyüyüb kollecə qəbul olan Sudhakar varlı bir iş adamının ərköyün qızı Padma ilə ailə qurur. Gənc oğlan imkanlı xanımını anasının sadə və kasıb evinə gətirəndə vəziyyət gərginləşir. Yeni gəlinin təkəbbürü və heç kimlə razılaşmaq istəməməsi ailə daxilində ciddi narazılıqlara yol açır.

Hindistan istehsalı olan «Bidaai» musiqili dram filmi 1974-cü ildə rejissor L.V. Prasad tərəfindən çəkilib. Əsas rolları Citendra, Lina Çandavarkar, Durqa Xote və Madan Puri ifa ediblər.