Babu

Babu adlı xeyirxah gənc hər zaman ehtiyacı olanların harayına çatmağa çalışır. Sevdiyi qız Kammonun ölümündən sonra qatildən qisas alan qəhrəman iki il müddətinə həbsxanaya düşür. Cəzasını çəkib azadlığa çıxdıqda isə vaxtilə ona dayaq olmuş imkanlı qadının dul qaldığını və körpə qızı Pinki ilə birlikdə səfalət içində yaşadığını öyrənir.

Ailəyə kömək etmək üçün Babu rikşa sürərək ağır zəhmətə qatlaşır. Qazandığı bütün vəsaiti Pinkinin nüfuzlu məktəbdə təhsil almasına xərcləyir. Lakin illər sonra böyüyən qız təkəbbürlü birinə çevrilir, yoxsul anasından və onlara ömrünü həsr edən Babudan utanmağa başlayır. Hər iki böyük çəkdikləri əziyyətin bu cür nankorluqla nəticələnməsindən dərin sarsıntı keçirir.

Hindistan istehsalı olan «Babu» dram filmi 1985-ci ildə nümayiş olunub. Ailə mövzusunda çəkilmiş ekran əsərinin rejissoru A.C. Trilogchanderdir. Baş rolları Raceş Khanna, Hema Malini, Mala Sinha və Rati Aqnihotri canlandırıblar.