Devi

Kənddə dul anası Camuna ilə yaşayan Devi adlı gənc qız yerli həkim Şekxarla tanış olur. Gənclərin arasında yaranan qarşılıqlı sevgi qısa zamanda nikahla nəticələnir. Lakin həkimin ailəsi bu izdivacı narazılıqla qarşılayır, çünki qohumlar onu Şobha adlı başqa bir xanımla evləndirmək niyyətində idi.

Həyat yoldaşına göstərilən haqsız münasibəti qəbul etməyən Şekxar doğma evindən getməyi düşünür. Oğullarını itirmək istəməyən ailə güzəştə gedir və istəməsələr də Devini qəbul edir. Çox keçmədən gənc qadın hamilə olduğunu öyrənir, lakin məhz bu ərəfədə Şekxar xarici ölkəyə səfərə yollanmalı olur.

1970-ci il istehsalı olan «Devi» dram filminin rejissoru V. Madhusudan Raodur. Hindistan istehsalı olan bu ekran əsərində baş rolları Nutan, Sanciv Kumar, Rehman və Madan Puri canlandırıb.