Paket

Gənc qırmızıordu döyüşçüsü Pyotr Trofimov çox vacib bir hərbi tapşırıq alır. O, gizli sənədlərin olduğu paketi Budyonnının ordu qərargahına təhlükəsiz şəkildə çatdırmalıdır.

«Paket» filmi vətəndaş müharibəsi zamanı gənc əsgərin göstərdiyi fədakarlıqdan bəhs edir. Məqsədinə çatmaq üçün yola çıxan qəhrəman tapşırığı vaxtında tamamlamaq naminə müxtəlif sınaqlarla və maneələrlə qarşılaşır.

Ailəvi macəra komediyası 1965-ci ildə SSRİ-də rejissor Vladimir Nazarov tərəfindən ekranlaşdırılıb. L. Panteleyevin eyniadlı hekayəsi əsasında çəkilən ekran əsərində baş rolları Valeri Zolotuxin, Boris Yurçenko, Anatoli Kuznetsov və Boris Novikov canlandırıb.