Under Wraps

Hellouin ərəfəsində Qədim Misir muzeyinə təşkil olunan məktəb ekskursiyası üç dost üçün gözlənilməz hadisələrlə başlayır. Emi, Marşall və Qilbert burada daşınma zamanı qədim mumiyalardan birinin itdiyini öyrənirlər. Qilbert dərhal xatırlayır ki, ötən axşam qonşunun evə insan bədəninə bənzəyən qəribə bir yük daşıdığını görüb.

Qonşunun zirzəmisinə gizlicə daxil olan yeniyetmələr axtarılan mumiyanı orada tapırlar. Qəfil həyata qayıdan bu qədim varlıq heç də təhlükəli olmur və uşaqlarla dərhal dil tapır. İndi bu üçlük qeyri-adi dostlarını qorumaq və onu sağ-salamat muzeyə qaytarmaq üçün əlbir olmalıdır.

2021-ci ildə ABŞ-da istehsal olunmuş «Under Wraps» ailəvi fentezi filminin rejissor kürsüsündə Aleks Zamm əyləşib. Ekran əsərinin baş rollarını Hanna Çerami, Ceym M. Kallika, Cordana Larqi və Karin Konoval canlandırıblar.