Das Traumschiff

Müharibədə atalarını itirmiş Rolf və bacısı Reni Berlində nənələrinin himayəsində böyüyürlər. Uşaqların anası Baltik dənizi sahilində çalışır və növbəti məktubunda yenidən ailə qurmağa hazırlaşdığını bildirir. Ananın seçdiyi şəxs kapitan olsa da, nə nənə, nə də uşaqlar ailədə ögey atanın peyda olmasını qəbul etmək istəmirlər.

Buna baxmayaraq, hər üçü gələcək ailə üzvü ilə şəxsən tanış olmaq qərarına gələrək dəniz sahilinə yola düşürlər. Lakin sahildə uşaqları növbəti məyusluq gözləyir. Məlum olur ki, böyük bir gəmini idarə etdiyini düşündükləri kapitan əslində kiçik liman yedək gəmisinin rəhbəridir.

«Das Traumschiff» adlı ailəvi filmi 1956-cı ildə Şərqi Almaniyada (ADR) rejissor Herbert Ballmann çəkmişdir. Ekran əsərində əsas rolları Günther Simon, Gisela Uhlen, Charlotte Küter və Erich Franz canlandırıblar.