Binti

On iki yaşlı Binti bütün ömrü boyu Belçikada yaşasa da, atası Jovial ilə birlikdə sənədsiz mühacir həyatı sürür. Qəfil polis basqınından sonra ata və qız sığınacaqlarını tərk edərək gizlənmək məcburiyyətində qalırlar.

Qaçış zamanı Binti ağacda qurulmuş gizli bir daxmaya rast gəlir və burada valideynlərinin boşanmasından əziyyət çəkən on bir yaşlı Elias ilə tanış olur. Qısa müddətdə dostlaşan uşaqlar birlikdə vaxt keçirməyə başlayırlar. Qızcığaz ölkədən çıxarılmaq təhlükəsindən qurtulmaq üçün atasını Eliasın anası ilə evləndirmək planı qurur.

2019-cu ildə təqdim olunan «Binti» ailəvi dram filminin rejissoru Frederike Miqomdur. Ekran əsərində əsas rolları Bebel Tshiani, Mo Bakker, Baloci və Yok Devink canlandırıblar.