Robot ata

Məktəb elm müsabiqəsinə hazırlaşan Coş Karson və onun kiçik qardaşı Maks maraqlı bir robot hazırlayırlar. Nyumen adını verdikləri bu mexanizm insan səsi ilə verilən bütün təlimatları dərhal yerinə yetirir. Tezliklə aydın olur ki, aparatın içinə vaxtilə istedadlı mühəndis olmuş mərhum atalarının ruhu daxil olub.

Bu qeyri-adi ixtira qısa zamanda ətrafdakıların diqqətini çəkir. Uşaqların uğurundan xəbər tutan televiziya nümayəndələri ilə yanaşı, başqalarının layihələrini oğurlayan kələkbaz bir şirkət də robotun izinə düşür. Qardaşlar atalarının ruhunu daşıyan bu unikal cihazı cinayətkarlardan qorumaq üçün mübarizə aparmalı olurlar.

Amerikanın «Robot ata» filmi 1991-ci ildə rejissor Toni Kukson tərəfindən çəkilib. Komediya janrındakı layihədə əsas rolları Marşa Strassmen, Coşua Con Miller, Edan Qross və Con Kveyd canlandırıblar.