Müvəqqəti əlaqə

Yer kürəsinə doğru böyük bir meteorit yaxınlaşır və bütün xəbər proqramları bu barədə xəbərdarlıq edir. Həyatından razı olan iş adamı Vadim isə həyəcanlı xəbərlərə məhəl qoymur, yeni restoranının açılışını qeyd etməyə tələsir. Yolda ziyafətə dəvət etmək məqsədilə tanışı Ninaya zəng vurur.

Səma cisminin yaratdığı qəribə təbiət hadisəsi rabitə xətlərini qarışdırır və Vadimin zəngi tamam başqa bir dövrə düşür. Dəstəyi 1942-ci ilin soyuq və müharibə şəraitindəki Moskvada aclıqdan əziyyət çəkən on üç yaşlı balaca Nina qaldırır. Qısametrajlı «Vremennaya svyaz» filmi iki fərqli dövrün insanını bir telefon zəngində birləşdirir.

2020-ci il Rusiya istehsalı olan bu dramatik ekran əsərinin quruluşçu rejissoru Dmitri Abolmasovdur. Baş rollarda Sergey Puskepalis, Sofya Lebedeva, Yuri Nazarov və Natalya Kislitsına çəkiliblər.