Biko

Malayziya istehsalı olan «Biko» dramı balaca oğlunu təkbaşına böyüdən yük maşını sürücüsü İzvanın həyatından bəhs edir. Maddi çətinliklər və yığılıb qalmış kirayə borcları üzündən ata və oğul yaşadıqları evdən çıxarılırlar. Çətin durumda qalan ata uşağını qorumaq üçün hər yola əl atır.

Onlara dəstək olmaq istəyən yaxın bir rəfiqəsi uşağı tanınmış müğənni Saranın musiqi klipi üçün təşkil olunan kastinqə aparır. Balaca Biko seçimlərdən uğurla keçir və çəkilişlərə dəvət alır. Lakin bu layihə sadəcə işlə bitmir; İzvan ilə məşhur sənətçi arasındakı gizli keçmiş tədricən üzə çıxmağa başlayır.

Rejissor Ten Binin çəkdiyi film 2022-ci ildə nümayiş olunub. Ekran əsərində baş rolları Syed Irfan, Azrel İsmail, Baby Shima və Sara Ali canlandırıblar.