Average Joe

ABŞ dəniz piyadası veteranı Co Kennedi hərbi xidməti başa vurduqdan sonra orta məktəbdə futbol məşqçisi kimi fəaliyyətə başlayır. Onun özünəməxsus bir andı var: hər oyun bitdikdən sonra meydançanın mərkəzində diz çökərək sakitcə şükür duası edir. Zaman keçdikcə məktəblilər, valideynlər və müəllimlər bu hərəkətə diqqət yetirir, hətta bəzi şagirdlər də ona qoşulmağa qərar verirlər.

Lakin məktəb rəhbərliyi bu addımı dövlətin dindən ayrı olması prinsipinin pozulması kimi qiymətləndirir və ritualların dərhal dayandırılmasını tələb edir. Cəmiyyətin və rəhbərliyin güclü təzyiqi ilə üzləşən məşqçi işini itirmək təhlükəsi qarşısında qalır. Co ya iradəsini boğub qadağaya boyun əyməli, ya da inancını açıq şəkildə qorumaq üçün sona qədər mübarizə aparmalıdır.

Real hadisələrə əsaslanan «Average Joe» adlı ailəvi dram filmi 2024-cü ildə ABŞ-da istehsal olunub. Ekran əsərinin quruluşçu rejissoru Harold Kronkdur, əsas rolları isə Erik Klouz, Emi Aker, Ostin Vuds və Andrea Filyomeni canlandırıblar.