Şəfa bağı

Həyat yoldaşının vəfatından sonra kədər içində qalan keçmiş hərbi kapellan Eddi Nikols yaşayış yerini dəyişərək treyler parkına köçür. Bu yeni mühitdə o, müxtəlif qonşularla tanış olur. Həmin insanların arasında problemli ailədə böyüyən və özünü tənha hiss edən balaca Houp da var.

Keçmişin ağrılarından uzaqlaşmaq istəyən Eddi qəsəbənin qarşısındakı kimsəsiz və baxımsız torpaq sahəsində bağ salmaq qərarına gəlir. Ərazinin nəzarətçisi və digər sakinlər bu bərəkətsiz yerdə heç nəyin bitməyəcəyini desələr də, Eddi fikrindən dönmür. Qocanın zəhmətini kənardan maraqla izləyən Houp isə ona torpağı belləməkdə və toxumları əkməkdə kömək etməyə başlayır.

«The Healing Garden» filmi 2021-ci ildə ABŞ-da Cozef Lindsi tərəfindən çəkilib. Bu ailə dramında əsas rolları Ceremi Kamrin, Sem Del Rio, Den Fut və Migel O. Qarsiya canlandırıblar.