Discarding Santa

Kentukki ştatının Litçfild şəhər şurası 2010-cu ildə Milad bayramının həddindən artıq kommersiyalaşmasına qarşı qəribə bir addım atır. Yerli rəhbərlik Şaxta babanın adının çəkilməsini rəsmi səviyyədə qadağan edir. Bu qərarın icrasına nəzarət isə iki polis əməkdaşına — Ceyson Kemp və Larri Kartrayta tapşırılır.

Zabitlərin özləri qaydanı tamamilə mənasız hesab etsələr də, xidməti vəzifələrinə görə əmrə tabe olub qanun pozucularını müəyyənləşdirməyə məcbur qalırlar. Şəhər sakinləri isə bu qadağanı qəzəblə qarşılayır. Çox keçmədən küçələr etiraz aksiyalarına, qarışıqlığa və kütləvi həbslərə səhnə olur.

ABŞ istehsalı olan «Discarding Santa» filmini 2018-ci ildə rejissor Bob Maze çəkib. Komediya və detektiv janrlarını birləşdirən ekran əsərində baş rolları Spenser Kinqsli, Denis Morris, Karl Lixt və Lüis Rayt canlandırıblar.