Sonuncu şirlər

Əsrlər boyu şirlər vəhşi təbiətin hökmdarları hesab edilsə də, insan amili və ərazilərin mənimsənilməsi bu canlıları məhv olma təhlükəsi ilə üz-üzə qoyub. Qara bazarda dəyəri yüksək olan xəzlərə görə brakonyerlərin hədəfinə çevrilən heyvanların sayı ildən-ilə azalır.

«The Last Lions» sənədli filmi bu zərif və güclü yırtıcıların yaşamaq uğrunda apardığı mübarizəyə diqqət yetirir. Ekran əsəri nəsli kəsilməkdə olan heyvanların üzləşdiyi problemləri və onların qorunması üçün mümkün həll yollarını təfərrüatı ilə əks etdirir.

2011-ci ildə ABŞ və Botsvana tərəfindən istehsal olunmuş layihənin rejissoru Derek Joubertdir. Ailəvi sənədli filmdə hekayəni Ceremi Ayrons səsləndirir.