İvanovlar-İvanovlar. Yeni il tətilləri

İvanovlar ailəsi Yeni ili Misirdə qeyd etməyə hazırlaşır. Lakin onların istirahət planları elə təyyarədəcə pozulur. Belə ki, qəhrəmanlar muzeydən oğurlanmış üzüyü ölkədən çıxarmağa çalışan soyğunçularla qarşılaşırlar. Uçuş zamanı yaranan insident səbəbindən hava gəmisi təcili olaraq İrəvana eniş edir.

Bayram ərəfəsində bütün mehmanxanalar dolu olsa da, Qamletin qardaşı David köməyə çatır və hamını öz evinə aparır. Əhvalat bununla bitmir: oğurluq üzük təsadüfən İvanovların əlinə keçir, cinayətkarlar isə onu geri almaq üçün hər şeyə hazırdırlar. Nəticədə ailəni Ermənistanda gözlənilməz hadisələr zənciri qarşılayır.

«İvanovlar-İvanovlar. Yeni il tətilləri» adlı Rusiya istehsalı ailəvi komediya filmi 2023-cü ildə təqdim olunub. Ekran əsərinin quruluşçu rejissorları Anton Fedotov və Sergey Znamenskiy, baş rol ifaçıları isə Mixail Truxin, Stanislav Dujnikov, Anna Ukolova və Aleksey Lukindir.