Naviqatorun uçuşu

On iki yaşlı Devid gözlənilmədən yoxa çıxır və yalnız səkkiz ildən sonra ailəsinin yanına qayıdır. Ən qəribəsi odur ki, oğlan bu illər ərzində zərrə qədər də böyüməyib və əvvəlki yaşında qalıb. Onun qayıdışı ilə eyni vaxtda yaxınlıqdakı ərazidə naməlum uçan obyekt peyda olur.

Bəlli olur ki, Devid bütün bu müddəti yadplanetlilərin yanında keçirib və kainatın dərinliklərindən bəşəriyyətə məlum olmayan biliklər gətirib. Kosmik səyahət zamanı təcrübəli pilota çevrilən yeniyetmə yadplanetli gəmini sərbəst idarə etmək və istədiyi istiqamətə yollanmaq bacarığı qazanır.

«Naviqatorun uçuşu» adlı macəra filmi 1986-cı ildə ABŞ-da istehsal olunub. Ekran əsərinin rejissoru Rendal Klayzerdir. Baş rolları Coy Kramer, Pol Rubens, Kliff De Yanq və Veronika Kartrayt canlandırıblar.