Air Bud

Klon Norm heç cür tamaşaçıları güldürə bilmirdi və onun uğursuz nömrələrini yalnız fəndlər göstərən Baddi adlı ağıllı it xilas edirdi. Uğursuzluqlarına görə qəzəblənən Norm heyvanı mütəmadi olaraq döyürdü. Nəticədə dözməyən Baddi qəddar sahibindən qaçır və on bir yaşlı Coş adlı oğlanla qarşılaşır.

Məktəb komandasına qəbul olunmaq üçün basketbol meydançasında məşq edən Coş itin topu səbətə dəqiq atmaq bacarığını görüb heyrətə gəlir. Birlikdə hazırlaşan dostlar böyük uğur qazanırlar: yeniyetmə komandaya seçilir, dördayaqlı dostu isə kollektivin talismanına və azarkeşlərin sevimlisinə çevrilir. Lakin Baddinin qabiliyyətindən xəbər tutan köhnə sahibi varlanmaq ümidi ilə iti geri tələb etməyə başlayır.

ABŞ və Kanada istehsalı olan «Air Bud» filmi 1997-ci ildə ekranlara çıxıb və məşhur seriyanın ilk hissəsidir. Rejissor Çarlz Martin Smitin lentə aldığı bu ekran işində əsas rolları Maykl Citer, Kevin Zeqers, Uendi Makkena və Bill Kobbs canlandırıblar.