Qara ayğır

Atası ilə dəniz səyahətinə çıxan Alek gözlənilməz fəlakətlə üzləşir. Onların olduğu gəmi qəzaya uğrayır və bu hadisədən yalnız azyaşlı oğlan və göyərtədə daşınan ərəb cinsli qara ayğır sağ çıxır. Təbii fəlakət hər ikisini kimsəsiz bir adanın sahilinə atır.

İnsanlardan uzaqda və vəhşi təbiətin qoynunda sağ qalmağa çalışan uşaqla heyvan arasında möhkəm dostluq yaranır. Axtarış qrupu uşağı tapdıqdan sonra Alek bu qara atı özü ilə evinə aparır. Şəhərə qayıtdıqdan sonra onlar dünyanın ən güclü qaçış atlarına qarşı mötəbər yarışlarda iştirak etmək üçün məşqlərə başlayırlar.

Rejissor Kerrol Bellardın çəkdiyi «The Black Stallion» adlı macəra filmi 1979-cu ildə ABŞ-da istehsal olunub. Filmdə əsas rolları Kelli Reno, Mikki Runi, Teri Qarr və Klarens Myuz canlandırıblar.