Tətildə tək

On bir yaşlı Avanın qış tətili həddindən artıq darıxdırıcı keçir. Oteldə əylənmək üçün hər cür şərait olsa da, valideynlərinin daimi nəzarəti qıza sərbəst hərəkət etməyə imkan vermir. Lakin bir səhər gözlənilməz hadisə baş verir: məkandakı bütün böyüklər müəmmalı şəkildə qeyb olur. Oteldə tək qalan uşaqlar dərhal hər kəsin arzuladığı qaydasız şənliyə başlayırlar.

Çox keçmədən bu azadlığın arxasında gizlənən problemlər üzə çıxır. Böyüklərin yoxluğu ətrafı xaosa sürükləyir və uşaqlar müxtəlif təhlükələrlə üzləşirlər. Nəticədə Ava və dostları məsuliyyəti öz üzərilərinə götürməli olurlar. İndi onların başlıca məqsədi vəziyyətdən çıxış yolu tapmaq və valideynlərini geri qaytarmaqdır.

Niderland istehsalı olan «Hotel Sinestra» macəra və komediya filminin rejissoru Mixil Ten Horndur. 2022-ci ildə ekranlara çıxan ekran əsərində baş rolları Bobbi Mulder, Eliz Şaap, Otto Nessens və Yerun Şpitsenberqer canlandırıb.