Kapitan Çarli: Yumurtanın sirri

Gənc Çarli atası və babası kimi gəmi kapitanı olmağı və uzaq səfərlərə çıxmağı arzulayır. Məktəbə gedən yolda o, nəsli kəsilmiş hesab edilən çox nadir bir quş yumurtası tapır. Şöhrət qazanmaq istəyən hiyləgər şəhər meri bu kəşfdən xəbər tutan kimi dərhal yumurtanı qızın əlindən alır.

Çarli bu haqsızlıqla barışmaq niyyətində deyil və təslim olmur. Məlum olur ki, bala yalnız öz doğma torpağında, uzaq və sirli bir adada yumurtadan çıxa bilər. Qız bu nadir quşu xilas etmək üçün dostları ilə birlikdə həmin adaya doğru yola çıxır.

Niderland istehsalı olan «Kapitan Çarli: Yumurtanın sirri» adlı macəra filminin rejissoru Mans van den Berqdir. Ekran əsərində baş rolları Doris Züydərland, Tomas Akda, Klaas van Kruystum və Castin Dos Santos canlandırıblar. Ailəvi film 2021-ci ildə nümayiş olunub.